Gaur asteazkena (Maiatzaren 15a) Etxarri Aranazko udaletxeko Bildu eta Nabaiko ordezkaritza bat herri galdeketako bultzatzaileekin batera Nafar Gobernuan izan dira. Bertan 27/2002 FORU LEGEAk dion moduan, (toki esparruko herri kontsultak arautzen dituen foru legea) herri galdeketarekin jarraitzeko asmoz eskaria erregistratu dute.
Galdeketa honekin herritarrei luzatu nahi zaien galdera hau da:
“Ados al zaude Etxarri Aranatz, Euskal Herriko udalerria izanda, Europako estatu independente berri baten parte izatearekin?”
Gaur ostirala (Maiatzaren 10a) Etxarri Aranazko udaletxean Batzar berezia izan da arratsaldeko 20:30tan hasita. Bertan 27/2002 FORU LEGEAk dion moduan, (toki esparruko herri kontsultak arautzen dituen foru legea) herri galdeketarekin jarraitu edo ez bozkatu da.
Bozketaren emaitza:
Bai: 9 (Bildu 6, Nabai 3)
Ez: 1 (PP)
Galdeketa honekin herritarrei luzatu nahi zaien galdera hau da:
“Ados al zaude Etxarri Aranatz, Euskal Herriko udalerria izanda, Europako estatu independente berri baten parte izatearekin?”
Gaur goizeko 10:30etan Etxarri Aranazko Udalean herri galdeketa antolatzeko beharrezkoak diren sinadurak aurkeztu ditugu. Orain, udalari dagokio hilabete bat pasa aurretik udal batzar bat deitzea bertan gaia aztertua izan dadin.
Herri galdeketa 27/2002 FORU LEGEAk dion moduan (toki esparruko herri kontsultak arautzen dituen foru legea), bultzatu dugu.
Galdeketa honekin herritarrei luzatu nahi diegun galdera hau da:
“Ados al zaude Etxarri Aranatz, Euskal Herriko udalerria izanda, Europako estatu independente berri baten parte izatearekin?”
Otsailaren 2an ekin genion Etxarri Aranatzen herri galdeketa burutu ahal izateko sinadura bilketari. Zer? Manifestuan oinarriturik eta Nafarroako foru legeak dion bezala burutu nahi dugu galdeketa.
Manifestuan honela diogu: “Litekeena da manifestu honen alde egiten dugunok Euskal Herria osoarentzat, zein Nafarroarentzat proiektu, egitura nahiz etorkizun ezberdinak nahi izatea. Baina demokrazian oinarritutako printzipio baten aldeko jarrerak biltzen gaitu, giza eskubide zibil eta politiko guztiak errespetatuz, autodeterminazioaren edo erabakitzeko eskubidearen aldekoak, hain zuzen ere.”
Hau da galdetu nahi duguna: “Ados al zaude Etxarri Aranatz, Euskal Herriko udalerria izanda, Europako estatu independente berri baten parte izatearekin?”
Sinadura bilketa amaitzera goaz. Orain arte bezala goizero, 10:00etatik 14:00etara, udalean sinatzeko aukera dago . Apirilaren 12an arratsaldeko 18:00tik 21:00 arte sinatzeko aukera izango da baita ere.
Zuk ere herri galdeketa bultza dezakezu, horretarako nahikoa da Etxarri Aranatzen erroldaturik egotea eta 18 urte baino gehiago izatea. Sinadura Udalean idazkariaren aurrean egin behar da. Horretarako nortasun agiria aurkeztu beharra dago.
Apirilaren 12rako biltzen ditugun sinadura guztiak Udalean aurkeztuko ditugu eta maiatzean udalbatzar batean gaia eztabaidatuko da.
Herri galdeketa egiteko aukera zure esku dago, gure esku dago!
